Qilichbozlik. Osiyo chempionati. SHpagachilarimiz jamoaviy bahslarda qatnashishdi

Oleg Sokolov, Nodirbek Usmonov, Roman Aleksandrov va Javohirbek Nurmatovlardan tashkil topgan qilichbozlarimiz ilk bosqichda Qirg'iziston terma jamoasi vakillarini 45:39 hisobida mag'lubiyatga uchratdilar.

1/4 finalda esa turnirning eng kuchli terma jamoasiga qarshi bahs yuritgan shpagachilarimiz Janubiy Koreya terma jamoasiga 33:45 hisobida yutqazib qo'yishdi.

CHorak finalda mag'lub bo'lgan jamoalar o'rtasida 5-8 o'rin uchun janglar tashkil qilindi. Sportchilarimiz ilk jangda qozog'istonlik raqiblariga 33:45 hisobida imkoniyatni boy berdilar.

7-o'rin uchun bo'lib o'tgan janglarda esa Xitoy Taypeyi shpagachilari 45:32 hisobida mag'lub etildi.

SHu tariqa, shpagachilarimiz Gonkongdagi Osiyo chempionatida 7-o'rinni egalladilar.