Qilichbozlik. Osiyo chempionatida medal qo'lga kiritdik!

Musobaqada o'zbekistonlik sportchilar ham ishtirok etayotganliklari haqida xabar berib o'tgandik. Bugun qita birinchiligida shpaga bo'yicha jamoaviy bahslar bo'lib o'tdi.

Quvonarlisi, bugungi bellashuvlarda qilichbozlarimiz sovrindorlar qatoridan o'rin oldilar. Sportchilarimiz ilk davrada Singapur terma jamoasini 45:39, chorak finalda esa Yaponiya vakillarini 45:25 hisobida mag'lub etishdi. Yarim finalda esa xitoylik raqiblarga 40:45 hisobida imkoniyatni boy berishdi. SHu tariqa sportchilarimiz Osiyo chempionatining bronza medaliga sazovor bo'lishdi.

Eslatib o'tamiz, shpaga bo'yicha bahslarda terma jamoamiz sharafini Fayzulla Alimov, Roman Aleksandrov, Javohir Nurmatov, Oleg Sokolovlar himoya qilishdi.