Qilichbozlik. Osiyo chempionatining ikkinchi kunida sportchilarimiz qayd etgan natijalar

Turnirning ikkinchi kunida 5 nafar sportchimiz ishtirok etishi haqida xabar qilgandik.

SHpagachilarimizdan Fayzulla Alimov ilk jangida avstraliyalik Jeremi SHellini 15:11 hisobida mag'lubiyatga uchratdi. Ikkinchi davra bahsida esa yaponiyalik Masaru Yamadaga 11:15 hisobida yutqazib qo'ydi.

Roman Aleksandrov esa ilk jangida Qirg'iziston vakili Hasan Boudunovga 8:15 hisobida imkoniyatni boy berdi.

Yashil yo'lakchalarda jangga chiqqan Javohirbek Nurmatov ilk uchrashuvda mog'ulistonlik Dulgun Enkitsotni 15:13 hisobida mag'lub etdi. Ikkinchi jangida esa yaponiyalik Satoru Uyamaga 8:15 hisobida yutqazdi.

Ishongan sportchilarimizdan biri Oleg Sokolov avvaliga eronlik Muhammad Ali Keyhanini 15:11 hisobida mag'lub etdi. Ikkinchi bosqich jangida esa u jiddiy raqib, Rio Olimpiadasi chempioni Park Sang Yongni 15:11 hisobida mag'lub etdi. CHorak final yo'llanmasi uchun bo'lib o'tgan jangda esa qozog'istonlik Dmitriy Aleksaninga 10:15 hisobida yutqazib qo'ydi.

Rapirachi qizimiz Madinabonu Parpieva ilk davra jangida singapurlik Ysin Lauga qarshi o'yinda 5:15 hisobida mag'lubiyatga uchradi.