Qilichbozlik. Poytaxtimizda "Xotira va qadrlash kuni"ga bag'ishlangan turnir start oldi

Poytaxtimizdagi "Paxtakor" stadionida joylashgan qilichbozlik zalida "9-may Xotira va qadrlash kuni” munosabati bilan O'zbekiston qilichbozlik Federaciyasi hamda O'zbekiston Respublikasi Jismoniy tarbiya va sport vazirligining sport va ommaviy jismoniy tarbiya tadbirlarining 2019 yil uchun kalendar rejasiga muvofiq joriy yilning 6-8 may kunlari qilichbozlik bo'yicha Respublika Ochiq turniri o'tkazilmoqda. 

Mazkur musobaqalarda mamlakatimiz viloyatlari, Qoraqalpog'iston Respubldikasi hamda qo'shni Qozog'istondan tashrif buyurgan jami 250 nafar sportchi qatnashmoqda. O'zbekiston qilichbozlik Federaciyasi tomonidan “Xotira va qadrlash kuni”ni munosib nishonlashdan ko'zlagan bosh maqsad – tinchligimiz posbonlari bo'lgan Vatan himoyachilarini xotirlash, oramizdagi sportga fidoyi insonlarning qadriga etish, urushni qoralash, tinch-osoyishta yashayotganimiz, turmush farovonligini taminlash uchun ter to'kib, unumli mehnat qilayotganimizning shukronasini qilishdek ezgu fazilatlarni yosh sportchilar ongu-shuuriga singdirishdan iborat. Ishonamizki, bu kabi musobaqalar har bir yosh sportchini manan rag'batlantiradi, uni yashashga, yaratishga, elu yurtga sadoqat va qatiyat bilan xizmat ko'rsatib, jahon arenalarida Vatanimiz sharafini munosib himoya qilishga undaydi.

O'zbekiston qilichbozlik federaciyasi matbuot xizmati