Qilichbozlik. Qozog'istonlik murabbiy: "Biz uchun O'zbekistonda yig'in o'tkazish juda qulay"

Biz mehmon murabbiylaridan biri Alibek Dauranbekovning ushbu yig'in haqidagi fikrlari bilan qiziqdik. 

"O'zbekistonda barcha sharoitlar bor", - deya so'z boshladi qozog'istonlik murabbiy.

"Mashg'ulotlar o'tkazish uchun mo'ljallangan yo'laklar jahon standartlariga to'g'ri keladi. Bunday yo'laklardan Osiyo va jahon chempionatlarda foydalanadi. Bizda esa faqatgina Ostonada bunday imkoniyatlar mavjud. 

Masalan, biz u erda buncha mablag'ga 5 kun yig'in o'tkaza olamiz. Bu erda esa ushbu summaga 10-15 kunlab mashg'ulotlar o'tkaza olamiz. Eng avvalo, bu biz uchun arzon tushadi. Ikkinchidan, sharoitlar ham ajoyib. SHuningdek, bu erda bizga Olimpiada chempioni ham o'z maslahatlarini berishi mumkin. Rossiyaga boradigan bo'lsak u erdagi chempionlar buning uchun ham pul so'rashadi. Bu erda esa... Biz O'zbekiston bilan uzoq yillik do'stlarmiz. Bunday maslahatlar biz uchun bepul. SHu tariqa, biz bir-birimizga yordam beramiz. 

Bu erga 10 fevral kuni kelgandik. 20 fevral kuni jo'nab ketamiz. 21-da esa Qozog'istondan Taylandga, Osiyo chempionatida ishtirok etish uchun jo'nab ketamiz. 

Avvaliga, Osiyo chempionatida, aprel oyida esa jahon chempionatida ishtirok etamiz. U erda albatta O'zbekiston terma jamoasi ham qatnashadi. Bahorda sizning sportchilar bizning mamlakatda yig'in o'tkazadilar. 

Ayni paytda mashg'ulotlar davom etmoqda. O'zbek va qozoq sportchilari bir-birlariga sparring raqib vazifasini bajarmoqdalar. SHuningdek, murabbiylar ham o'zaro tajriba almashmoqdamiz. 

SHanba kuni bo'lib o'tadigan turnirda qatnashamiz. O'zbekiston qilichbozlik federaciyasi biz uchun turnir tashkillashtirishni rejalashtirmoqda. U erda yosh sportchilarimiz uchun diplomlar, medallar va turli sovg'alar taqdim etilishi kutilmoqda. Qiziq bo'ladi deb o'ylayman", - deydi rapira bo'yicha qozog'istonlik sportchilarning katta murabbiyi Alibek Dauranbekov.