Qilichbozlik. Toshkentda o'tkaziladigan xalqaro turnirlar oldidan matbuot anjumani bo'lib o'tdi

Avvaliga 5-8 sentyabr kunlari "Satellit" xalqaro turniri bo'lib o'tsa, 9-10 sentyabrda Markaziy Osiyo qilichbozlik Konfederaciyasi ochiq chempionati tashkil etiladi. 

Bugun Respublika ixtisoslashtirilgan gimnastika saroyida ushbu musobaqalar oldidan matbuot anjumani tashkil etildi. Unda O'zbekiston qilichbozlik federaciyasi vakillari hamda ommaviy axborot vositalari xodimlari ishtirok etishdi. Anjuman avvalida O'zbekiston qilichbozlik federaciyasi bosh kotibi Gulnora Saidova o'tkaziladigan musobaqalar haqida malumot berdi. SHuningdek, turnirlarning tashkiliy jihatlari, reyting tizimi haqida gapirib erdi. 

SHundan so'ng O'zbekiston qilichbozlik federaciyasi raisining o'rinbosari Gennadiy Pelix o'z fikrlarini bildirdi. 

"Federaciyada katta hajmdagi ish olib borilmoqda. Buning samarasi o'laroq, O'zbekistonga ushbu reyting turnirini tashkil etish imkoniyati berildi. Ushbu musobaqalar muhim reyting ochkolarini taqdim etadi. Bundan tashqari, kelasi yili tashkil etiladigan licenzion musobaqaga tayyorgarlik vazifasini ham bajaradi.

Turnirda ishtirok etish uchun AQSH, Italiya, Britaniya, Rossiya, Braziliya, Turkiya va boshqa mamlakatlardan qilichbozlar tashrif buyurishadi. Biz kelajakda ham shunday nufuzli musobaqalarga mezbonlik qilishni maqsad qilganmiz", - dedi Gennadiy Pelix. 

Tadbir davomida O'zbekiston terma jamoasi murabbiyi Igor CHikinyov, Xalqaro toifadagi hakam Aida Hasanova ham jurnalistlar tomonidan berilgan savollarga javob berishdi.