Qilichbozlik. Yana Alborova jahon chempionatini g'alaba bilan boshladi, qolganlar esa...

Bellashuvlarda o'zbekistonlik qilichbozlar ham ishtirok etishmoqda. Kecha 4 nafar hamyurtimiz startga chiqdi. 

Ayollar o'rtasida shpaga bahslarida qatnashgan Malika Hakimova saralash bosqichida (pulka) uchta g'alabaga erishib, asosiy davraga yo'l oldi. Asosiy davrada u avvaliga Singapur, keyin esa Ruminiya vakilasini mag'lub etdi. Endi hamyurtimiz 1/32 finalga chiqish uchun xitoylik raqibasiga qarshi jang qiladi. Erkaklar o'rtasida sablya bahslarida esa Pazilbek Genjebaev va Bobirjon Rasulov pulkada yaxshi ishtirok etishdi va asosiy davraga yo'l olishdi. Afsuski, Pazilbek ilk davrada hindistonlik raqibiga 14:15, Bobirjon esa Singapur vakiliga 13:15 hisobida yutqazib qo'ydi. SHerzod Mamutov esa saralash guruhidayoq yutqazib qo'ydi. 

Bugun ayollar o'rtasida rapira, erkaklar o'rtasida shpaga bahslari o'tkazilmoqda. Yaqinda terma jamoamizga jalb etilgan rapirachi Yana Alborova saralash bosqichini juda yaxshi o'tkazdi va birinchi o'rin bilan asosiy davraga yo'l oldi. Asosiy davradagi ilk jangida Yana CHili vakilasi Katina Proestakisni 15:14 hisobida mag'lub etdi. Endi u ikkinchi davrada franciyalik Solen Butryuilga qarshi jang qiladi. 

SHpagagachi yigitlarimiz esa hozircha pulka janglarini o'tkazishmoqda.