Qoyil! Humoyun Sultonov bir hafta ichida o'zi ishtirok etgan ikkinchi musobaqaning finaliga yo'l oldi!

Ushbu musobaqada muvaffaqiyatli odimlayotgan Humoyun Sultonov final chiptasini hal qildi. Hamyurtimiz uch set davom etgan 1/2 final bahsida kambek qila oldi. U biroz avval yakuniga etgan va 2 soatu 22 daqiqa davom etgan uchrashuvda avstriyalik Sandro Koppni 3/6, 7/6(4), 6/1 hisoblarida dog'da qoldirdi.

Taqqoslash uchun, Sultonov dunyo reytingida 367, Kopp esa 480-o'rinni egallab turibdi. Humoyun turnirda 5, Sandro 7-raqam ostida tasniflangan. Bu tennischilarning o'zaro ikkinchi uchrashuvi edi. O'tgan yili 31 may kuni o'tkazilgan ilk to'qnashuvda ham Sultonov g'alaba qozongandi. 

Ertaga mamlakatimizning birinchi raketkasi Doha turniri bosh sovrini uchun turkiyalik Ergi Kirkinga qarshi kortga chiqadi. Turnirning uchinchi raketkasi bo'lgan Kirin bugun 1/2 finalda britaniyalik Ali Habibdan 6/4, 6/4 hisoblarida ustun keldi. Ergi ATP reytingida 340-o'rinni egallab turibdi.

Qayd etish joiz, Humoyun Sultonov 14 yanvar kuni Dohadagi M15 musobaqasi chempioniga aylangan edi. U 14 ta o'yindan buyon g'alaba qozonib kelmoqda. Ushbu turnirning mukofot jamg'armasi 25 000 AQSH dollarini tashkil qiladi.