Qozog'iston qishki Olimpiya o'yinlarida mamlakat nomi milliy tilda yozilgan ekipirovkada qatnashadi

Xalqaro Olimpiya qo'mitasidan ekipirovkalarni xalqaro belgidan milliyga o'zgartirish uchun maxsus ruxsatnoma olingan. SHu bilan birga, Qozog'iston XOQning uch harfli kodlari ro'yxatida KAZ belgisi ostida qoladi. Sababi qisqartma xalqaro standartga muvofiq qo'llaniladi.

Qozog'iston MOQ Olimpiada ekipirovkasining eng muhim elementlaridan biri ona tilida qo'llanilishi bu - sportchilarga ishonch bag'ishlab, ular uchun hamyurtlarini qo'llab-quvvatlash ramziga aylanishiga ishonadi.

"Olimpiya o'yinlari, avvalo, do'stlik va tinchlik bayrami bo'lib, unda eng yaxshi sportchilar o'z mamlakatlari bayrog'i ostida bahslashadilar. Bu nafaqat ular uchun, balki o'z jamoalarini qo'llab-quvvatlashda birlashgan barcha muxlislar uchun muhim voqea. Olimpiada payti mamlakat nomini yozishda har qanday ekipirovkaga asosiy etibor qaratiladi, shuning uchun ona tilidagi «QAZAQSTAN» jahon hamjamiyati oldida jamoani va butun mamlakatni aniqlashda juda muhim qadamdir. Milliy belgini loyihalashda qozoq madaniyatining milliy elementlari, xalqning ananalari va o'ziga xosligini takidlash muhim ahamiyat kasb etadi. Xorijlik hamkasblarimiz yangi belgini allaqachon iliq kutib olishdi. Ishonchimiz komilki, yangi formadagi bu element sportchilarimizga ham yoqadi. Olimpiyachilar Qozog'istonning xorijdagi muhim elchilaridir, shuning uchun hamyurtlarimiz terma jamoamizni – o'z jamoasini qo'llab-quvvatlashiga umid qilamiz”, - deya takidladi Qozog'iston Milliy Olimpiya qo'mitasi.

Sportchilar Pekindagi Qishki Olimpiya o'yinlariga yangilangan formada boradilar. Tez orada qozog'istonlik sportchilar uning qanday ko'rinishda ekanligini taqdim etishadi.

Eslatib o'tamiz, O'zbekiston qishki Olimpiya o'yinlariga 1 ta yo'llanmani qo'lga kiritgan. Tog' chang'isi bahslarida yurtimiz sharafini himoya qiladigan Komil To'xtaevning Olimpiadada qanday epikirovkada ishtirok etishi borasida hali rasmiy malumot berilmagan.