Qozog'iston va Qirg'iziston qilichbozlari Toshkentda yig'in o'tkazmoqdalar

Xabaringiz bor, 2015 yilda mamlakatimizda qilichbozlik bo'yicha jahon chempionati o'tkazilgan. Natijada, ushbu sport turi bazasi ham maqtagulik darajada boyidi. Bu esa o'z navbatida mamlakatimizga qo'shni davlat sportchilarining ham mashg'ulotlar o'tkazishlari uchun eng maqul variantlardan biri sifatida hizmat qilmoqda.

SHu sababdan ham ayni paytda yurtimizda qozog'istonlik va qirg'izistonlik qilichbozlar o'quv-mashg'ulot jarayonlarini o'tkazishmoqda.

Ushbu yig'in doirasida shu hafta O'zbekiston, Qozog'iston va Qirg'iziston qilichbozlari o'rtasida turnir tashkil qilinadi. Turnir poytaxtimizdagi qilichbozlik markazida bo'lib o'tishi rejalashtirilgan.