Rafa Nadal Open. Cultonov saralash turnirining finaliga yo'l oldi

Mukofot jamg'armasi 74,825 evroni tashkil etuvchi ushbu turnirda hamyurtimiz Humoyun Sultonov ham o'z omadini sinab ko'rmoqda. Rafa Nadal Open by Movistar turniri tennis afsonasi Rafael Nadal tomonidan tashkil etilayotgani bilan ham ahamiyatli hisoblanadi. 

Saralash bahslarida birinchi raqam ostida tasniflangan Sultonov 1/2 finalda italiyalik Fabricio Andaloroni 6/3, 6/1 hisobida mag'lubiyatga uchratdi. Yurtdoshimiz 6 ta eys, 4 ta breyk qayd etib, 1 ta qo'shxatoga yo'l qo'ydi. Bu tennischilarning o'zaro ikkinchi uchrashuvi edi. Bir hafta avval Portugaliyadagi turnirda ham Humoyun italiyalik raqibini taslim etgandi.  

Taqqoslash uchun, Humoyun Sultonov ATP reytingida 264, Andaloro 595-o'rinni egallab turibdi. Bugun tennischimiz asosiy to'rga yo'llanma beruvchi saralashning final uchrashuvida reytingning 493-pog'onasida borayotgan franciyalik Sasha Geymar Vayenburgga qarshi kortga chiqadi. Bu uchrashuv bizning vaqt bilan soat 13:00da boshlanadi. Sasha 1/2 finalda saralashning ettinchi raketkasi, hindistonlik Ramkumar Ramanatxanni 6/1, 6/4 hisobida engdi.