Rafa Nadal Open. Cultonovda uchinchi g'alaba, u 1/8 finalda!

Mukofot jamg'armasi 74,825 evroni tashkil etuvchi ushbu turnirda hamyurtimiz Humoyun Sultonov ham muvaffaqiyatli odimlayapti. Rafa Nadal Open by Movistar turniri tennis afsonasi Rafael Nadal tomonidan tashkil etilayotgani bilan ham ahamiyatli hisoblanadi. 

Saralash bahslarida birinchi raqam ostida tasniflangan Sultonov 1/2 finalda italiyalik Fabricio Andaloroni 6/3, 6/1, final uchrashuvida esa reytingning 493-pog'onasida borayotgan franciyalik Sasha Geymar Vayenburgni 6/4, 6/4 hisobida taslim etgandi. 

Mamlakatimizning birinchi raketkasi asosiy to'rning 1/16 final bosqichida franciyalik 21 yoshli Robin Bertranga qarshi kortga chiqdi. Ikki soatu 26 daqiqa davom etgan bahsda Humoyun raqibini 6/2, 6/7(4), 6/4 hisoblarida mag'lubiyatga uchratdi. Sultonov 9, Bertran 6 ta eys zarbasini amalga oshirgan. Qo'shxatolar Robinda ko'proq bo'ldi - 4 ga 2!  

Bu tennischilarning o'zaro ikkinchi uchrashuvi bo'ldi. SHu yilning 24 aprel kuni SHarm El-SHeyx M25 turnirida Robin 1/6, 6/1, 6/4 hisobida g'alaba qozongan edi. Demak, hamyurtimiz o'sha mag'lubiyat uchun munosib revansh ola bildi.    

Taqqoslash uchun, Humoyun Sultonov ATP reytingida 264-o'rinni egallab turibdi. Robin Bertran esa 274-pog'onadan joy olgan. Bugun tennischimiz 1/8 finalda Rafael Kollinonga qarshi kortga chiqadi. Belgiyalik 22 yoshli iqtidor egasi ayni paytda dunyoning 199-raketkasi bo'lib turibdi. Ushbu uchrashuv bizning vaqt bilan soat 18:00da boshlanadi.