Rafa Nadal Open. Humoyun Cultonov final ostonasida to'xtatildi

Mukofot jamg'armasi 74,825 evroni tashkil etuvchi ushbu turnirda hamyurtimiz Humoyun Sultonov ham muvaffaqiyatli qatnashdi. Rafa Nadal Open by Movistar turniri tennis afsonasi Rafael Nadal tomonidan tashkil etilayotgani bilan ham ahamiyatli hisoblanadi. 

Sultonov ushbu turnirning asosiy to'riga saralash bahslaridagi g'alabasi evaziga etib kelgandi. Mamlakatimizning birinchi raketkasi ketma-ket uchta g'alabadan so'ng musobaqaning 1/2 finaliga yo'l olgan edi. Kecha u 1/2 finalda dunyoning 134-raketkasi, turnirda beshinchi raqam ostida tasniflangan xorvatiyalik Duye Aydukovichga 4/6, 3/6 hisobida imkoniyatni boy berib qo'ydi. Humoyun 6, Duye 7 ta eys zarbasini amalga oshirdi. Qo'shxatolar Sultonovda ko'p bo'ldi - 4 ga 1. 

Bu tennischilarning o'zaro ikkinchi to'qnashuvi bo'ldi. 2022 yilning 22 aprel kuni Xorvatiyaning Split shahrida o'tkazilgan turnirning 1/4 finalida Humoyun 2/6, 7/5, 6/3 hisobida g'alaba qozongandi. O'shanda Aydukovich turnirning birinchi, Sultonov esa beshinchi raketkasi edi. Duye kecha muvozanatni tikladi - 1:1. 

Taqqoslash uchun, Humoyun Sultonov ATP reytingida 264-pog'onadan joy olgan.