Rafael Nadal 4 soatlik qiyin uchrashuv o'tkazdi

Grunt qiroli Rafael Nadal Nordea Open turnirining 1/4 finalida argentinalik Mariano Navonega qarshi kortga chiqdi. Bir daqiqasi kam to'rt soat davom etgan bahsda ispaniyalik afsonaviy tennischi 6/7(2), 7/5, 7/5 hisobida g'alaba qozondi. Bu tennischilarning o'zaro o'tkazgan ilk uchrashuvi sifatida tarixga kirdi. 

Taqqoslash uchun, Rafael Nadal ATP reytingida 261-o'rinni egallab turgan bo'lsa, Navone dunyoning 36-raketkasi bo'lib turibdi. Rafa 1 ta eys, 10 ta breykni amalga oshirib, 4 ta qo'shxatoga yo'l qo'ydi. Endi Nadal Bostad turnirining 1/2 finalida xorvatiyalik Duy Aydukovichga qarshi bahs olib boradi.