Rafael Nadal ikki yillik tanaffusdan so'ng yana finalda o'ynaydi

Nordea Open turnirining 1/2 finalida ATP reytingida 261-pog'onadan joy olgan grunt qiroli Rafael Nadal dunyoning 130-raketkasi bo'lib turgan xorvatiyalik Duy Aydukovichni uch set natijasiga ko'ra mag'lubiyatga uchratdi - 4/6, 6/3, 6/4.

Bu tennischilarning o'zaro o'tkazgan ilk uchrashuvi edi. Ikki soatu 12 daqiqa davom etgan bahsda Nadal eys zarbasini amalga oshira olmadi va shuning barobarida qo'shxatoga ham yo'l qo'ymadi. Breyklar bo'yicha ustunlik ham aynan uning tomonida bo'ldi - 6 ga 5. 

Nadal so'nggi bor finalda 2022 yili "Rolan Garros" turnirida o'ynagan edi. Bu Rafa uchun faoliyatidagi 131-final uchrashuvi bo'ladi. SHundan 72 tasi grunt qoplamali turnirlar finaliga to'g'ri keladi. Bugun u bosh sovrin uchun portugaliyalik Nunu Borgeshga qarshi kortga chiqadi.