“Ravalliq” mahallasida boks bo'yicha xalqaro turnir boshlandi

O'z tarixida o'ninchi marotaba tashkil etilayotgan ushbu “Fidoiy ustozlar” xalqaro xotira turnirida 2004-2005 yillarda tug'ilgan o'smir bokschilar ishtirok etishyapti. Musobaqada mamlakatimizning barcha viloyatlari hamda qo'shni Qozog'iston Respublikasidan jami 200 nafardan ziyod yosh charm qo'lqop eagalari o'z imkoniyatlarini sinovdan o'tkazishmoqda.

Kecha musobaqada dastlabki saralash janglari o'tkazildi. Bugun ham barcha vazn toifalarida saralash bahslari davom ettiriladi. Ertaga yarim final, shanba kuni esa hal qiluvchi final janglari tashkil etiladi.