Ravshan Dastirov IBWA vice-prezidentligiga saylandi

Ushbu nufuzli musobaqada polvonlarimiz tomonidan bitta oltin, beshta kumush va oltita bronza medallari qo'lga kiritildi. Mazkur jahon chempionati doirasida xalqaro belbog'li kurash (borba na poyasax, IBWA) federaciyasining navbatdagi hisobot-saylov Kongressi ham o'tkazildi.

Kongressda xalqaro federaciya prezidenti, vice-prezidenti, sport direktori hamda  hakamlar hayati raisligiga nomzodlar ko'rsatildi. Unda O'zbekiston milliy belbog'li kurash federaciyasi raisi Ravshan Dastirovning nomzodi xalqaro belbog'li kurash (IBWA) federaciyasi vice-prezidentligiga ko'rsatildi. Delegatlar bir ovozdan Ravshan Dastirov nomzodini qo'llab-quvvatlashdi. 

SHu tariqa R. Dastirov IBWA vice-prezidenti lavozimiga saylandi.  Kongressda kelasi yili sentyabr oyida belbog'li kurash bo'yicha 17-20 yoshli sportchilar o'rtasidagi jahon chempionati Xorazm viloyatida o'tkazilishi xalqaro federaciya (IBWA)ning yilik taqvim-rejasiga kiritildi. 

Ushbu Kongressda shuningdek, Xorazm viloyati jismoniy tarbiya va sport boshqarmasi boshlig'i SHokir Madaminov ham ishtirok etib, Xorazm viloyatida ham sportga, xususan belbog'li kurashga keng imkoniyat va sharoitlar yaratilgani, Osiyo va jahon chempionatlari, olimpiya o'yinlari sovrindorlari bo'y ko'rsatayotgani va turizm sohasida yuqori darajadagi ijobiy ishlar amalga oshirilayotgani haqida takidlab o'tdi. Kongress yakunida milliy ko'rinishdagi esdalik sovg'alari ulashildi.

Ilhom RAHMONOV tayyorladi, o'z muxbirimiz