"Real" o'yinchisini 3 haftaga yo'qotdi

Madridning "Real" jamoasi himoyachisi Lukas Vaskes jarohat oldi. Bu haqda "qirollik klubi" sayti xabar berdi.

Futbolchiga sonning orqa qismidagi mushaklari shikastlanishi tashxisi qo'yilgan. Jurnalist Arancha Rodrigesning fikricha, futbolchining tiklanishi uchun taxminan 3 hafta kerak bo'ladi.

SHu tariqa, 32 yoshli himoyachi Ispaniya Kubogi doirasidagi "Arandina" (6 yanvar) va "Atletiko"ga (10 yanvar) qarshi uchrashuvlarni o'tkazib yuboradi.