"Real" va "Barselona" sobiq futbolchisi endi Qirg'iziston milliy terma jamoasini boshqaradi

Qirg'iziston terma jamoasining yangi ustozi Robert Prosinechki qanday futbolchi bo'lgan?

Robert Prosinechki — shunchaki murabbiy emas, balki 90-yillar jahon futbolining haqiqiy afsonalaridan biri. U o'yinni tashkil qilish, aniq pas va kuchli zarbalari bilan mashhur bo'lgan noyob istedod egasi edi.

Quyida uning futbolchilik faoliyatidagi eng muhim faktlarni keltirib o'tamiz:

• Evropa cho'qqisi: Prosinechkining yulduzli onlari "Crvena Zvezda" klubi bilan bog'liq. U 1991 yilda Belgrad klubi safida Evropa CHempionlar kubogi (hozirgi CHempionlar ligasi) g'olibiga aylangan. U jamoaning "miyasi" hisoblanardi.

• Ikki grand tarkibida: Xorvatiyalik yarim himoyachi Ispaniyaning azaliy raqiblari — ham "Real Madrid" (1991–1994), ham "Barselona" (1995–1996) safida to'p surgan tarixdagi kam sonli futbolchilardan biri hisoblanadi.

• Terma jamoalardagi rekord: Prosinechki Jahon chempionatlari tarixida ikki xil davlat terma jamoasi safida gol urgan noyob futbolchidir (1990 yilda Yugoslaviya va 1998 yilda Xorvatiya tarkibida).

• Jahon etirofi:

  • 1987 yilda Yoshlar o'rtasidagi Jahon chempionati g'olibi bo'lgan va turnirning "Eng yaxshi futbolchisi" (Oltin to'p) deb topilgan.

  • 1990 yilgi Jahon chempionatining "Eng yaxshi yosh futbolchisi" unvonini qo'lga kiritgan.

  • 1998 yilgi Franciyada o'tgan mundialda Xorvatiya terma jamoasi bilan bronza medallariga ega chiqqan.

• APLdagi faoliyati: Faoliyatining so'nggi qismida Angliyaning "Portsmut" klubida o'ynab, jamoani quyi ligaga tushib ketishdan saqlab qolgan va mahalliy muxlislar yoqimtoyiga aylangan.