"Real" va yana bir qator jamoalar klublar o'rtasidagi JCH har 2 yilda o'tkazilishini xohlashmoqda, FIFA esa...

ESPN xabariga ko'ra, turnirni tez-tez o'tkazishni Evropa va Janubiy Amerikaning daromadlarini oshirishga qiziqqan bir qator klublar qo'llab-quvvatlamoqda. Islohot bo'yicha rasmiy so'rov hozircha kelib tushmagan, ammo bir necha top-klublar rahbarlari FIFA vakillari bilan bunday imkoniyatni muhokama qilgan.

Xabarlarga ko'ra, FIFA klublar o'rtasidagi jahon chempionati natijalaridan mamnun, lekin hozirda turnirni tez-tez o'tkazishni "amalga oshirib bo'lmaydi" deb hisoblaydi. Yakunlangan musobaqa natijalariga ko'ra, ishtirokchi klublar o'rtasida 1 milliard dollar taqsimlandi va FIFA bu miqdordagi summani har ikki yilda yig'ish imkonsiz deb hisoblaydi.

Bundan tashqari, FIFA klublar jahon chempionatini ikki yilda bir marta o'tkazish UEFA bilan nizoga olib kelishi mumkin deb hisoblaydi, bu esa tashkilot manfaatlariga ziddir. Jahon futbolini boshqaruvchi organ mavjud futbol taqvimining murakkabligini ham qayd etmoqda.

Hozirda FIFA keyingi klublar JCH 2029 yilda o'tishiga tayyorgarlik ko'rmoqda. Turnirni o'tkazish uchun potencial davogarlardan biri sifatida Qatar ko'rib chiqilmoqda.