Regbi jamoamiz janubiy afrikalik murabbiy bilan Parij Olimpiadasiga tayyorlanmoqchi emish

Bugun O'zbekiston regbi federaciyasining mazkur musobaqalar uchun tayyorlagan rejasi ko'rib chiqildi. Onlayn yig'ilishni MOQ raisi Rustam SHoabdurahmonov olib bordi. Unda, shuningdek, O'zbekiston regbi federaciyasi bosh kotibi Qahramon Jalilov, Sport o'yinlari bo'yicha Respublika oliy sport mahorat maktabi direktor Jasur Akramov, jamoa murabbiylari va Qo'mita xodimlari qatnashishdi. 

Taqdimotni Qahramon Jalilov olib bordi va federaciyaning yaqin yillarga tuzilgan rejalari bilan tanishtirdi. Unga muvofiq, regbi sportida etakchi mamlakatlardan sanalgan Janubiy Afrika Respublikasidan tashrif buyurgan mutaxassis Andre Xuman jamoamizni musobaqalarga tayyorlaydi. Yig'ilishda MOQ raisi shu va boshqa rejalar borasidagi fikrlarini bildirib o'tdi.

“Hukumatimizning qo'llab-quvvatlashi bilan regbi jadal suratlarda o'sishda davom etmoqda. Bu ketishda regbi ham yaqin yillar ichida o'zbek sportida yuqori o'rinlardan biriga ko'tarilib oladi. Buning uchun, albatta, biroz vaqt kerak. Bunday tajribali xorijlik murabbiy va Sizlardek o'z ishining jonkuyarlari bilan jamoamizni etakchilar qatoriga olib chiqa olamiz”, – dedi Rustam SHoabdurahmonov.

Qayd etish joiz, Rio-2016 Olimpiya o'yinlaridan musobaqa dasturiga regbi-7 yo'nalishi kiritilgan. O'zbekiston regbi federaciyasining rejasiga ko'ra, jamoamiz Parij-2024 Olimpiya o'yinlariga licenziya olishni mo'ljallamoqda. Uchrashuvda, Respublikada ushbu sportni yanada ommalashtirish, yoshlar jamoasini shakllantirish uchun selekciya siyosatini yo'lga qo'yish, terma jamoa uchun xalqaro o'quv-mashg'ulot yig'inlari va musobaqalarni tashkil qilish kabi yo'nalishlarda tavsiyalar berildi.