Regbi. O'zbekistonlik komissar ilk marotaba Osiyo chempionatida ishlaydi

«Osiyo regbi uyushmasidan taklif olish men uchun fahr. Bu xalqaro hamjamiyatning O'zbekiston regbi federaciyasiga bildirilayotgan ishonchdan dalolatdir», – dedi Anatoliy SHirov.

Ayni paytda o'zbekistonlik mutaxassislar Osiyo regbi uyushmasining rivojlanish, musobaalar va tibbiy qo'mitalari tarkibida faoliyat olib bormoqdalar.

Anatoliy SHirov 16-19 may kunlari Qozog'istonning Olma-Ota shahrida bo'lib o'tadigan Osiyo chempionatining III Markaziy Divizion bellashuvlarida ishlaydi. Mazkur bahslarda Qozog'iston, Qirg'iziston, Mo'g'uliston va Pokiston kabi mamlakatlar terma jamoalari ishtirok etadilar. O'yinlarni Gonkong, Kanada, Malayziya, Singapur, Buyuk Britaniya va Iordaniya kabi mamlakatlardan tashrif buyuradigan hakamlar brigadasi boshqarib boradi.

Malumot uchun, regbi bo'yicha erkaklar o'rtasidagi Osiyo chempionati bir necha divizonlarda bo'lib o'tadi (TOP-3, I Division, II Division, III Division West, III Division East, III Division Central). O'z divizionida yuqori o'rinni egallagan jamoalar yuqori, past natijalar qayd etganlar esa quyi divizionlarga yo'l oladilar.