Regbichilarimiz 1/4 finalda!

Fashizm ustidan qozonilgan g'alabaning 75 yilligi munosabati bilan o'tkazilayotgan musobaqada mamlakatimiz sharafini “Universitet” jamoasi himoya qilmoqda.

Musobaqaning birinchi kunida hamyurtlarimiz uchta uchrashuv o'tkazishdi. Dastlabki o'yin Belarusning “Huragva” jamoasiga qarshi bo'lib o'tdi. Ushbu o'yinda regbichilarimiz raqib jamoasini 29-7 hisobida mag'lub etishdi.

Ikkinchi o'yin juda tajribali Ekaterinburgning “Rat” jamoasiga qarshi bo'lib o'tdi, bu uchrashuvda ham regbichilarimiz raqibdan kuchliroq ekanliklarini isbotlab, 19-12 hisobida g'alaba qozonishdi.

Turnir mezbonlariga qarshi uchinchi o'yinda guruh g'olibi aniqlandi. Hamyurtlarimiz bu o'yinda Boshqirdistonning “Ufa” jamoasi bilan kuch sinashib, yakunda mag'lubiyat alamini totib ko'rishdi.

SHunday qilib, musobaqaning birinchi kunidan so'ng “A” guruhida 2-o'rinni egallagan hamyurtlarimiz chorak finalda ishtirok etish huquqini qo'lga kiritishdi. Bugun, 13 sentyabr kuni “Universitet” jamoasi “S” guruhining g'olibiga qarshi yarim finalga chiqish uchun maydonga tushadi.