Reja o'zgardi: Isroil Madrimovning jangi chempionlik uchun emas, boshqacha maqomda bo'ladi

Bungacha mazkur jang WBA vaqtinchalik chempionlik kamari uchun o'tkazilishi haqida xabar qilgandik. Ammo, malum bo'lishicha bu borada rejalar biroz o'zgargan. 

Yani, jang chempionlik uchun emas, WBA Super kamari uchun eleminator (saralash) jang maqomida bo'ladi. 

Bu yaxshimi yoki yomon? Boxer TV kanali bunga aniqlik kiritib o'tdi. 

"Ushbu vaznda WBA Super, IBF va IBO kamarlari hozirda Xeyson Rosarioga tegishli va u o'zining navbatdagi jangini 26 sentyabr kuni WBC yo'nalishi chempioni Jermall CHarloga qarshi o'tkazadi. Mazkur jang g'olibi ushbu vazndagi 3 ta asosiy kamar va IBO kamarini qo'lga kiritadi. Agar Isroil navbatdagi jangda WBA reytingida 6-pog'onani egallab turgan Erik Uolkerni mag'lub etsa, WBA Super kamari uchun majburiy davogar bo'lish sari katta qadam tashlaydi. Undan keyin esa Madrimovni yana bitta eleminator jang kutib turadi. O'sha jangda ham g'alaba qozonsa Madrimov WBA Super jahon chempionlik kamari uchun majburiy davogar bo'ladi. Bu degani bokschimiz CHarlo - Rosario jangi g'olibiga qarshi uchta nufuzli kamar uchun jang qilish huquqiga ega bo'ladi. Bu taxminan Isroilning 8-jangiga to'g'ri keladi. Ana shunda Madrimov Murodjon Ahmadalievning rekordini (8 ta jangda 2 ta kamar qo'lga kiritish) yangilashi mumkin. Yani Isroil 8 ta jangda 3 ta chempionlik kamarini qo'lga kiritish imkoniyatiga ega bo'ladi. Bu albatta Interim, Regular va Gold kabi ikkinchi darajali kamarlardan yaxshiroq", - deyiladi malumotda.