Ribakina Abu-Dabidagi turnirda 1/4 finalga chiqdi

Sayyoramizning beshinchi raqamli tennis malikasi Elena Ribakina musobaqaning chorak final ishtirokchisiga aylandi. Qozog'istonlik tennischi ikkinchi davra uchrashuvida WTA reytingida 71-pog'onada borayotgan amerikalik Daniel Kollinzni uch set natijasiga ko'ra mag'lubiyatga uchratdi - 4/6, 6/3, 6/3. 

Tennischilarning o'zaro uchrashuvlaridagi hisob Ribakina foydasiga, 3:1 ko'rinishiga keldi. Ikki soatu 20 daqiqa davom etgan bahsda Elena 3, Kollinz 2 ta eys zarbasini amalga oshirdi. Breyklar Ribakinada ko'proq bo'ldi - 6 ga 4.