Ribakina ishtirokidagi 1/2 finalning uchchala seti ham tay-brekkacha cho'zildi

Dunyoning 12-raketkasi bo'lib turgan Elena Ribakina final ostonasida io'xtatildi. Qozog'istonlik tennis malikasi uchchala seti ham tay-brekkacha cho'zilgan yarim final uchrashuvida WTA reytingida 36-o'rinni egallab turgan kanadalik Leyla Fernandesga imkoniyatni boy berib qo'ydi - 7/6(2), 6/7(3), 6/7(3). 

Fernandes tennischilarning o'zaro uchrashuvlari hisobida oldinga chiqib oldi - 2:1. Uch soatu 16 daqiqa davom etgan dramatik bahsda Ribakina 17, Fernandes 12 ta eys zarbasini amalga oshirgan. Ikkala tennischi ham 1 tadan breykdan foydalangan. Bugun Leyla bosh sovrin uchun rossiyalik Anna Kalinskayaga qarshi kortga chiqadi.