16 may 08:46
Yangiliklar

Tennis

Rim "Masters". Tabilo ertagi davom etadi, u ilk bor 1/2 finalda!

Nomdor raqiblarini musobaqadan chiqarib yuborgan chililik tennischi faoliyatida ilk bor "Masters" seriyasiga kiruvchi turnir yarim finalida kortga chiqadi.

ATP reytingida 32-o'rinni egallab turgan Alexandro Tabilo chorak finalda xitoylik CHjan CHjichjenni mag'lubiyatga uchratdi - 6/3, 6/4. Tabilo bu bilan tennischilarning o'zaro uchrashuvlaridagi hisob muvozanatini ham tiklab qo'ydi - 1:1.

Bir soatu 26 daqiqa davom etgan bahsda Tabilo 7, CHjan 4 ta eys zarbani amalga oshirgan. Qo'shxatolar Alexandroda ko'proq bo'ldi - 3 ga 2. Ikkita breyk chililik tennischiga unchalik qiyin bo'lmagan g'alabani taqdim etdi.