Rim "Masters". Tabilo Jokovichdan keyin Xachanovni ham musobaqadan chiqarib yubordi

Bundan avvalgi bosqichda dunyoning birinchi raketkasi Novak Jokovichni musobaqadan chiqarib yuborgan Alexandro Tabilo bu safar ATP reytingida 18-o'rinni egallab turgan rossiyalik Karen Xachanovdan ustun keldi. Reytingning 32-pog'onasidan joy olgan chililik tennischi tajribali Xachanovni tay-breklarda taslim etdi - 7/6(5), 7/6(10).

Tabilo bu g'alabasi evaziga tennischilarning o'zaro uchrashuvlaridagi muvozanatni tiklab qo'ydi - 1:1. Ikki soatu 32 daqiqa davom etgan bahsda Alexandro 8, Karen 7 ta eys zarbani amalga oshirdi. Xachanov 1, Tabilo 2 ta qo'shxatoga yo'l qo'ygan. Ikkala tennischi ham 2 tadan breykka erishgan.