20 may 11:10
Yangiliklar

Tennis

Rim "Masters" turnirida chempion aniqlandi

Italiya poytaxti Rim shahrida tennis bo'yicha "Masters" seriyasiga kiruvchi turnir yakunlandi.

Hal qiluvchi final uchrashuvida dunyoning beshinchi raketkasi bo'lib kelgan germaniyalik Aleksandr Zverev ATP reytingida 24-pog'onadan joy olgan chililik Nikolas Xarriga qarshi kortga chiqdi. Oltmish to'qqiz daqiqa davom etgan bahsda tajribali Zverev 6/4, 7/5 hisobida g'alaba qozonib, ikki karra Rim "Masters" turniri chempioniga aylandi.

Tennischilarning o'zaro uchrashuvlarida Aleksandr oldinda bormoqda - 5:2. Zverev 6, Xarri 4 ta eys zarbani amalga oshirgan. Qo'shxatolar Nikolasda ko'proq bo'ldi - 2 ga 1. Internazionali BNL d'Italia turniridagi muvaffaqiyatli ishtirok Zverevga 1000 reyting ochkosi hamda 963,225 evro mukofot puli keltirdi. Xarri esa 650 ochko va 512,260 evro ishlab oldi.