Rio Olimpiadasi ishtirokchisi murabbiylik faoliyatini boshladi

2017 yil 28 dekabr kuni Paxtakor tumanida, boks bo'yicha Pekin va Rio olimpiadasi ishtirokchisi, yarim professional yo'nalishda Jahon chempioni Xurshid Tojiboev, Islom birdamlik o'yinlari g'olibi Bobousmon Boturov kabi etuk sportchilar tahsil olgan,  Jizzax qurilish ziynati XK tomonidan zamonaviy rekonstrukciya qilingan sport zalning ochilish marosimi bo'lib o'tdi. Marosimni tuman xokimi Narzulla G'aybullaevich kirish so'zi bilan ochib berdi. Viloyat jismoniy tarbiya va sport boshqarmasi boshlig'i I.Tojiboev va El-yurt hurmati ordeni sohibi, O'zbekistonda xizmat ko'rsatgan murabbiy Bahodir Mirzaqulov so'zga chiqib yangi inshoot bilan tabriklashdi. Ushbu sport zalda Xurshid singari sportchilarimiz etishib chiqishiga ishonch bildirishdi.

Sport zalda Xurshid Tojiboev 2018 yil yanvar oyidan boshlab yoshlarimizga boks sirlarini o'rgatishni  boshladi. Paxtakor tuman yoshlarini ushbu sport turi bilan shug'ullanish uchun takliflar berildi.