Rio Open. Argentinalik Braziliyada chempion bo'ldi

Musobaqa bosh sovrini argentinalik Sebastyan Baesga nasib etdi. Dunyoning 30-raketkasi final bahsida ATP reytingining 113-pog'onasida borgan vatandoshi Mariano Navoneni ortiqcha qiyinchiliksiz mag'lubyatga uchratdi - 6/2, 6/1. 

Bu hamyurtlarning ilk uchrashuvi edi. Bir soatu 24 daqiqa davom etgan uchrashuvda Baes 2 ta eys, 6 ta breykni amalga oshirdi. Qo'shxatoga yo'l qo'ymadi. Rio Open turniridagi muvaffaqiyatli ishtirok Baesga 500 reyting ochkosi hamda 392,775 AQSH dollari miqdorida mukofot puli keltirdi.