"Rolan Garros". Daniel Kollinz muvaffaqiyatli start oldi

Amerikalik tennis malikasi 86 daqiqa davom etgan ilk davra uchrashuvida WTA reytingida roppa-rosa 60-o'rinni egallab turgan vatandoshi Karolin Dolxaydni 6/3, 6/4 hisobida mag'lubiyatga uchratdi. Tennischilarning o'zaro uchrashuvlarida Kollinz katta farq bilan oldinda bormoqda - 5:1. 

Uchrashuv statistikasi:

Daniel Kollinz - 1 ta eys, 3 ta qo'shxato, 3 ta breyk

Karolin Dolxayd - 1 ta eys, 2 ta qo'shxato, 1 ta breyk

Endi Kollinz "Rolan Garros" turnirining ikkinchi davrasida Olga Danilovichga qarshi kortga chiqadi. Serbiyalik tennischi birinchi bosqichda italiyalik Martina Trevizandan ustun keldi - 6/1, 6/2.