Roman Kopilovning navbatdagi jang sanasi va manzili malum. U Nursulton Ro'ziboevning sobiq raqibi bilan to'qnash keladi

Unga ko'ra, Kopilov 24 avgust kuni AQSHning Nevada shtati Las-Vegas shahrida o'tkaziladigan UFC turnirida oktagonga chiqadi. Uning raqibi braziliyalik nokautchi Bruno Ferreyra bo'ladi.

Malumot uchun, Bruno Ferreyra o'tgan yili UFC promoushenida debyut qilgan edi. U qisqa muddatda dunyoning eng kuchli tashkiloti banneri ostida 4 ta jang o'tkazib, 3 g'alaba va 1 mag'lubiyat qayd etdi. Qizig'i, hamma janglari birinchi raundning o'zida nokaut bilan yakunlangan. 

Braziliyalik 31 yoshli aralash yakkakurash ustasi yagona mag'lubiyatini hamyurtimiz Nursulton Ro'ziboevdan qabul qilib olgan. SHundan keyin u Fil Xous va Dastin SHtolcfusni birinchi raundning o'zida nokaut evaziga engdi. 

Roman Kopilov esa shu oyning boshida Sezar Almeydani hakamlarning ayri qarori bilan mag'lubiyatga uchratgandi. Rossiyalik 33 yoshli Kopilov bundan avvalgi jangida Entoni Ernandesga yutqazib qo'ygandi. Ungacha Roman 4 ta jangining barchasini nokaut bilan yakunlangan edi.