Rossiyalik UFC malikasiga raqib berildi, jang sanasi va manzil ham malum

Ayollar o'rtasidagi eng engil vazn toifasi vakilasi Viktoriya Dudakova 3 avgust kuni BAA poytaxti Abu-Dabi shahrida tashkil etiladigan UFC on ABC 7 turnirida navbatdagi jangini o'tkazadi. Rossiyalik 25 yoshli aralash yakkakurash ustasiga shu kuni braziliyalik Jaklin Amorim raqiblik qiladi.

Mag'lubiyat nimaligini bilmay kelayotgan Dudakova o'tgan yili UFC promoushenida ikkita jang o'tkazib, har ikkisida ham g'alaba qozondi. U avvaliga Istela Nunesni texnik nokautga uchratdi, keyin esa Jin YU Freyni hakamlarning yakdil qarori bilan taslim etdi. SHu yilning mart oyida u Melissa Gattoga qarshi oktagonga chiqishi kerak edi. Ammo Vika jangga bir necha soat qolganida o'zini yomon his qildi va shifokorlar tavsiyasi bilan jang bekor qilindi. 

Braziliyalik 28 yoshli Jaklin Amorim UFC promoushenida 3 ta jang o'tkazgan. Debyut jangida Sem Xyuzga ochkolar hisobiga ko'ra imkoniyatni boy bergandi. Keyin esa Montserrat Ruis hamda Kori MakKenni texnik nokautga uchrata oldi.

Eslatib o'tamiz, UFC on ABC 7 turnirining markaziy jangi amerikalik Kori Sendxagen hamda rossiyalik Umar Nurmagomedov o'rtasida bo'lib o'tadi. Ushbu jang davogarlik maqomida bo'lib, g'olib chempionlik kamari uchun majburiy davogarga aylanadi.