12 iyu 10:31
Yangiliklar

Tennis

Rothesay Open. Ons Jaber muvaffaqiyatli start oldi

Buyuk Britaniyaning Nottingem shahrida tennis bo'yicha WTA 250 toifasiga kiruvchi maysa qopamali turnir bo'lib o'tmoqda.

Dunyoning 10-raketkasi Ons Jaber musobaqa bosh sovrini uchun asosiy davogar hisoblanmoqda. Tunislik tennis malikasi ilk davrada WTA reytingida 81-pog'onadan joy olgan kolumbiyalik Mariya Osorioni ortiqcha qiyinchiliksiz mag'lubiyatga uchratdi - 6/2, 6/3.

Tennischilarning o'zaro uchrashuvlaridagi hisob yiriklashdi - 5:0. Oltmish to'rt daqiqa davom etgan bahsda Jaber 4, Osorio 1 ta eys zarbasini amalga oshirgan. Qo'shxatolar kolumbiyalikda ko'proq bo'ldi - 5 ga 1. Breyklar bo'yicha ustunlik Ons tomonda - 4 ga 0. Endi Jaber Rothesay Open turnirining ikkinchi bosqichida chexiyalik Linda Fruxvirtovaga qarshi kortga chiqadi.