Rublyov kambek evaziga 1/2 finalga yo'l oldi

Dunyoning 10-raketkasi bo'lib turgan Andrey Rublyov 1/4 finalda jiddiy qarshilikka duch keldi. Rossiyalik tennischi ATP reytingida 123-pog'onada borayotgan amerikalik Emilio Navani 5/7, 6/4, 6/3 hisobida mag'lubiyatga uchrata oldi. Bu tennischilarning o'zaro o'tkazgan ilk uchrashuvi bo'ldi. 

Ikki soatu 19 daqiqa davom etgan bahsda Rublyov 5, Nava 6 ta eys zarbasini amalga oshirgan. Andrey ikkinchi setda ham 2/4 hisobida yutqazayotgan edi, ammo qaytishga o'zida kuch topa oldi. Endi u final chiptasi uchun yana bir amerikalik tennischi  s drugim amerikancem Aleksandar Kovachevichga qarshi kortga chiqadi. Kovachevich 1/4 finalda  argentinalik Xuan Pablo Fikovichdan ustun keldi - 6/3, 6/1.