Ruslan Nuriddinov 2017 yilda musobaqalarda ishtirok etmaydi

Bu haqda bizga terma jamoa bosh murabbiyi, II darajali - “Sog'lom avlod uchun” ordeni sohibi Bahrom Abdumalikov xabar berdi.

“Ruslan uchun bu yilgi mavsum ancha murakkab keldi, - dedi B.Abdumalikov. – Kichik jarohati bo'lishiga qaramay, Rio Olimpiadasiga tayyorgarlik ko'rdi va yakunda O'zbekiston og'ir atletikasi tarixidagi eng yuqori natijani qayd etdi.

Endi u xordiq chiqarishi kerak. Ruslan 2017-yilgi musobaqalarda ishtirok etmaydi. Uning asosiy maqsadi 2018-yilda o'tkaziladigan Osiyo o'yinlariga munosib tarzda tayyorgarlik ko'rish. Unda aynan Osiyo o'yinlarining oltin medali yo'q”.