Ruslan Nurudinov dekabr oyidan mashg'ulotlarni boshlaydi

Osiyo og'ir atletika federaciyasi vice-prezidenti, O'zbekiston og'ir atletika federaciyasi raisining birinchi o'rinbosari, Yakkakurashlar bo'yicha Respublika oliy sport mahorati maktabi direktori SHahrillo Mahmudovning aytishicha, Nuriddinov dekabr oyidan mashg'ulotlarni boshlaydi. 

- Ruslan rejaga ko'ra shu yilning dekabr oyidan mashg'ulotlarga rasman kirishadi. CHunki kelasi yili bizni Osiyo o'yinlari va Olimpiya o'yinlariga yo'llanma beruvchi qator licenzion musobaqalar kutib turibdi. Ruslan esa mazkur musobaqalarni aslo o'tkazib yubora olmaydi. 

Men shuni ishonch bilan aytishim mumkinki, tayyorgarlik jarayonini ko'ngildagidek tashkil etsak, eng muhimi jarohatlar atletlarimizni chetlab o'tsa, Ruslan Nurudinov xudo hohlasa Tokioda yana olimp shohsupasiga ko'tariladi. Qanday medalni qo'lga kiritishini aniq ayta olmayman. Lekin oltinmi, kumushmi, bronzami, lekin u shohsupada aniq bo'ladi, - dedi Mahmudov.