Saken Polatov bokschilarimiz bilan uchrashdi + FOTO

O'zbekiston terma jamoasi bokschilari musobaqaga har tomonlama tayyor bo'lib ulgurishgan. 

Jahon chempionati starti oldidan Ekaterinburgdagi "Onegin" mehmonxonasida O'zbekiston boks federaciyasi raisining birinchi o'rinbosari Saken Polatov jahon chempionatida ishtirok etadigan bokschilarimiz va murabbiylar bilan uchrashdi. 

Yig'ilish davomida O'zbekiston musobaqada sovrinli o'rinlar uchun eng asosiy davogar ekanligi, xalqimiz sportchilardan yuqori probali medallarni kutayotganligi takidlandi. S.Polatov yaqinlashib kelayotgan musobaqada ishtirok etadigan bokschilarimizga omad tiladi. 

Mazkur tadbirning kulminacion nuqtasi O'zbekiston boks federaciyasi tashabbusi bilan ishlangan videorolikning namoyishiga to'g'ri keldi. Yuraklargacha etib borgan ushbu videorolikda jahon chempionatida qatnashadigan bokschilarimizning oila azolari ishtirok etishgan. Videoni tomosha qilib, bokschi va murabbiylarimizning kayfiyati ko'tarilganiga, bazi holatlarda esa ko'zidan yosh chiqqaniga guvoh bo'ldik. Bir so'z bilan aytganda - motivacion rolik. Ushbu rolikda bokschimiz Fanat Qahramonovning buvisi tomonidan tayyorlangan Samarqand nonlari ham aks etgan. Aynan o'sha nonlar bugun bokschilarimizga olib kelindi. 

SHuni alohida takidlash lozimki, ushbu uchrashuvdan so'ng yigitlarimiz ortida Vatani, xalqi va oilasi turganini yanada chuqurroq his qilishdi va jahon chempionatida yuqori natijalar uchun astoydil harakat qilishlarini aytib o'tishdi.

O'zbekiston boks federaciyasi matbuot xizmati