Sambo. 2023 yilgi jahon chempionati mezboni aniqlandi

Jahonning eng etakchi sambochilari kelasi yilning 10-12 noyabr kunlari Misrda to'planishadi. Xalqaro sambo federaciyasining ijroqo'm yig'ilishda ushbu qaror qabul qilindi. 

O'z navbatida, Dominikan Respublikasi avgust oyida sohil sambosi bo'yicha jahon birinchiligiga mezbonlik qiladi. 

Osiyo va Okeaniya chempionati esa iyun oyida Qozog'istonda o'tkaziladigan bo'ldi. 

SHuningdek, 2023 yilda sambo bo'yicha uchta jahon kubogi musobaqasi o'tkazilishi rejalashtirilmoqda. Ular Dominikan Respublikasi, Qirg'iziston va Serbiyada tashkil etiladi. Kelasi yil davomida shuningdek qitalar kubogi va xalqaro turnirlar ham tashkil etiladi.