02 sen 12:50
Yangiliklar

Tennis

Sasha Zverev US Open 1/4 finalida

Dunyoning to'rtinchi raketkasi Aleksandr Zverev Nyu-York shahrida davom etayotgan AQSH Ochiq chempionatining chorak final ishtirokchisiga aylandi.

Germaniyalik tennischi 1/8 finalda ATP reytingida roppa-rosa 50-o'rinni egallab turgan amerikalik Brendon Nakashimani to'rt set natijasiga ko'ra mag'lubiyatga uchratdi - 3/6, 6/1, 6/2, 6/2. Tennischilarning o'zaro uchrashuvlaridagi hisob 3:0 ko'rinishiga keldi.

Ikki soatu 40 daqiqa davom etgan bahsda Zverev 14, Nakashima 6 ta eys zarbasini amalga oshirgan. Qo'shxato va breyklar ham mos ravishda 3 ga 2, 6 ga 1 ko'rinishida germaniyalik tennischi foydasiga hal bo'ldi. Zverev qatorasiga to'rtinchi marobata US Open 1/4 finaliga chiqdi. Endi u yana bir amerikalik tennischi Teylor Fritcga qarshi kortga chiqadi.