Saudiya Arabistoni o'z tarixida ilk bor qishki Olimpiya o'yinlarida ishtirok etadi

Bu haqda mamlakat Olimpiya qo'mitasi malum qildi.

Xabarda takidlanicha, Saudiya Arabistoni tog' chang'isi terma jamoasining ikki nafar azosi Pekinda bo'lib o'tadigan XXIV qishki Olimpiya o'yinlariga yo'llanma olgan. Tog' chang'ichilari Salman al-Xuvaysh va Fayek Abdi qirollik va butun Fors ko'rfazi mintaqasidan qishki O'yinlar tarixida ishtirok etadigan ilk sportchilardir. Ular Pekin Olimpiadasiga rasmiy saralash ochkolarini qo'lga kiritishgan.

Bundan tashqari, Ar-Riyod Xitoy poytaxtida bo'lib o'tadigan qishki Olimpiya o'yinlariga delegaciya yuboradi. 

Eslatib o'tamiz, XXIV qishki Olimpiya o'yinlari 4-20 fevral kunlari Pekinda bo'lib o'tadi.