Sena daryosida zaharlangan Olimpiada chempioni yopilish marosimida o'z davlati bayrog'ini ko'tara olmadi

Jumladan, irlandiyalik suzuvchi, 800 metr masofaga erkin usulda suzish bahslarida Olimpiada oltin medalini qo'lga kiritgan Deniel Uiffen shifoxonaga yotqizilgan. Aynan shu sabab bilan u Olimpiya o'yinlarining tantanali yopilish marosimida ishtirok eta olmagan. Uiffen Irlandiyaning bayroqdori bo'lishi kerak edi. 

"Men vatanimning Olimpiada yopilish marosimida bayroqdori bo'lishim kerak edi. Lekin infekciya sabab bu imkoniyatdan mahrum bo'ldim. O'zimni yomon his qilganim uchun shifoxonaga borishimga to'g'ri keldi. Hozir o'zimni ancha yaxshi his qilyapman", — dedi irlandiyalik sportchi. 

SHuningdek, 23 yoshli Uiffen Parij Olimpiadasida 1500 metr masofaga erkin suzish bahslarida bronza medaliga sazovor bo'ldi. U Sena daryosida, ochiq suvda o'tkazilgan 10 km masofaga suzish bahslaridan so'ng shifokorlarga murojaat qilgan. Uiffen finishga o'n sakkizinchi o'rinda etib kelgandi. Yopilish marosimida uning o'rnini boshqa bir suzuvchi Mona Maksherri egaladi.