Sergeli tuman prokurori sovrini uchun kurash musobaqasi bo'lib o'tdi FOTOREPORTAJ

Poytaxtimizning Sergeli tumanidagi 1-sonli bolalar va o'smirlar sport maktabida Sergeli tumani hokimligi bilan hamkorlikda bolalar, o'smirlar, yoshlar va kattalar o'rtasida tuman prokurori sovrini uchun turnir tashkil etildi.

Toshkent shahar prokurori, Toshkent shahar kurash federaciyasi raisi Ulug'bek Qosimov tomonidan tasdiqlangan reja asosida o'tgan musobaqada poytaxtimizning barcha tumanlaridan uch yuz nafarga yaqin polvon g'oliblik uchun bellashdi.

SHiddatli va murosasiz kechgan bahslar yakunida o'z vazn toifalarida Ramziddin Muhammadiev (27 kg), Saidakbar Hayitov (33 kg), Barkamol Toshpo'latov (40 kg), Husniddin Boboqulov (55 kg), Umirzoq Qurbonmurodov (65 kg), Farrux Hamdamov (65 kg), Javohir Xurramov (73 kg), Humoyun Qarshiev (73 kg), Umar Bozorov (90 kg), Erkin Qozoqov (+90 kg), Malika Qahhorova (63 kg)larga teng keladigani topilmadi.

Turnir g'olib va sovrindorlariga diplom, medal va qimmatbaho sovg'alarni Toshkent shahar prokurori o'rinbosarlari, Sergeli tuman sektorlar rahbarlari tantanali ravishda topshirdilar.

Etiborlisi, musobaqa doirasida Sergeli tumani mahallalaridan hokim yordamchilari va yoshlar etakchilari tomonidan uyushmagan yoshlar, o'smirlar va bolalar turnirga jalb qilinib, kurash to'garaklariga azo qilindi.

Alimurod MAMADAMINOV tayyorladi, o'z muxbirimiz