08 dek 15:20
Yangiliklar
![](/upload/storage/6499_220.jpg)
SHahram G'iyosov: “Eng katta orzuim ro'yobga chiqdi”
Birinchi Prezidentimiz Islom Karimovning farmonlariga muvofiq O'zbekiston Respublikasi mustaqilligining 25 yilligi arafasida mamlakatimizni har tomonlama rivojlantirish, yurtimiz tinchligi va osoyishtaligini mustahkamlashga katta hissa qo'shgan, ijtimoiy-iqtisodiy va manaviy-marifiy sohalarda fidoyilik ko'rsatgan bir guruh vatandoshlarimiz davlat mukofotlari – faxriy unvonlar, orden va medallar bilan taqdirlangan edi.
Bosh qomusimiz hisoblangan – O'zbekiston Respublikasi Konstituciyasi qabul qilingan kunga bag'ishlab o'tkazilgan marosimda ana shu yuksak mukofotlar o'z egalariga topshirildi.
Taqdirlanganlar orasida Rio Olimpiadasida g'olib va sovrindorlar safidan joy olgan 13 nafar muzaffar sportchilarimiz ham bor edi. Ulardan biri SHahram G'iyosovdir.
Boks bahslarida kumush medalni qo'lga kiritgan Buxoro boks maktabi tarbiyalanuvchisi “O'zbekiston iftixori” faxriy unvoni bilan taqdirlandi.
“Taassurotlar bir olam. Ularni so'z bilan tasvirlash mushkul. O'ylaymanki, nafaqat sportchilar, balki har bir inson Prezidentimizning qo'llaridan davlat unvonini olishni orzu qiladi.
Ana shu baxt menga nasib etdi. “O'zbekiston iftixori” faxriy unvoni bilan taqdirlandim. Orzularimdan biri amalga oshdi. Bu menga kelgusi faoliyatimda qo'shimcha kuch bag'ishlaydi”, - deya o'z quvonchini izhor qildi SH.G'iyosov.
Fikrlar