Sharjah 21 Rapid Open turniridagi eng yaxshi natijamiz - 10-o'rin!

Ananaviy tarzda o'tkazib kelinayotgan xalqaro turnirda o'zbekistonlik shaxmatchilar ham ishtirok etishdi. SHveycarcha tizimda o'tkazilgan 9 turdan iborat musobaqa yakunida hamyurtlarimizdan eng yaxshi natijani Aleksey Barsov qayd etdi.

Grossmeysterimiz 9 imkoniyatdan 6,5 ochko jamg'arib, 10-o'rinni egalladi. Marat Jumaev va Javohir Sindarov ham 6,5tadan ochko to'plashdi. Faqat qo'shimcha koeficentlarga ko'ra bu shaxmatchilarimiz mos ravishda 15 va 17-o'rinni band etishdi.

Bir yo'la uch nafar grossmeyster 7,5tadan ochkoga ega bo'lishdi va ular sovrinli o'rinlarni o'zaro bo'lishib olishdi. Qo'shimcha ko'rsatkichlarga ko'ra armanistonlik Vladimir Akopyan musobaqa g'olibi bo'ldi. Kuchli uchlikka misrlik shaxmatchilar Axmed Adli va Amin Bassem yakun yasashdi.