Shenzhen 4. Sergey Fomin 6-raketkaga qarshi uch setdan iborat murakkab uchrashuv o'tkazdi

Challenger 75 toifasiga kiruvchi musobaqaning mukofot jamg'armasi 100 000 AQSH dollarini tashkil qiladi. Saralash bahslaridagi muvaffaqiyatli ishtirok sabab asosiy to'rga yo'llanma olgan hamyuyurtimiz Sergey Fomin 1/8 finalda turnirning oltinchi raketkasi, yaponiyalik SHo SHimabukuroga qarshi juda qiyin o'yin o'tkazdi. 

Uch set davom etgan uchrashuvda SHo 4/6, 7/5, 7/5 hisoblarida g'alaba qozonib, chorak finalga yo'l oldi. Sergey uchinchi setning 11-geymidan keyin o'zini yomon his qilgani bois shifokorlar xizmatiga murojaat qilishga majbur bo'ldi. SHifokorlar bilan uzoq muloqotdan keyin tennischimiz bahsni oxiriga etkazish uchun kortga qaytdi, ammo holati pand berdi.   

Ikki soatu 35 daqiqa davom etgan uchrashuvda Kunchiqar yurt vakili 14, mamlakatimizning ikkinchi raketkasi esa 8 ta eys zarbasini amalga oshirdi. Qo'shxatolar Fominda ko'proq bo'ldi - 4 ga 2. Endi SHo 1/4 finalda turnirning ikkinchi raketkasiga qarshi kortga chiqadi. 

Taqqoslash uchun, Fomin ATP reytingida 492, SHimabukuro 212-o'rinni egallab turibdi. Bu tennischilarning o'zaro o'tkazgan ikkinchi uchrashuvi bo'ldi. Uch yil avval ular Devis Kubogi doirasida o'zaro to'qnash kelishgan va o'shanda Sergey raqibini ikki set natijasiga 7/6(1), 7/5 hisobida taslim etgan edi.