25 apr 15:08
Yangiliklar

Qilichbozlik

SHerzod Mamutov: G'alaba qozonishimga 100 foiz ishonmagan edim

Xabar berganimizdek, bugun poytaxtimizda start olgan qilichbozlik bo'yicha Tokio-2020 yozgi Olimpiya o'yinlariga yo'llanma beruvchi Osiyo-Okeaniya saralash turnirida sablyachimiz SHerzod Mamutov licenziyani qo'lga kiritgan edi.

Sportchimiz taqdirlash marosimidan so'ng o'z fikrlarini bildirdi:

"Bu musobaqaga bir yildan buyon kuchli tayyorlanib kelayotgan edik. Xorijda ham tajribamizni oshirdik. Bugungi raqiblarim bilan oldingi musobaqalarda ham to'qnash kelganman. Barchasi kuchli sportchi.

Bilasizmi, bugun g'alaba qozonishimga 100 foiz ishonmagan edim. Jahon chempionatidagi muvaffaqiyatsizlikdan so'ng psixologik tomondan barchasini engib o'tdim va asosiy maqsadimiz bo'lgan Tokio Olimpiadasiga licenziyani qo'lga kiritdim. Xudo xohlasa, Tokiodan Olimpiada medali bilan qaytishga harakat qilaman", - dedi Mamutov.