SHov-shuv ko'targan qozoq tennischi Galleda ikkinchi bor chempion bo'ldi

Terra Wortmann Open turnirining hal qiluvchi final uchrashuvida qozog'istonlik Aleksandr Bublik dunyoning 11-raketkasi, rossiyalik Daniil Medvedevga qarshi kortga chiqdi. ATP reytingida 45-pog'onani egallab turgan Bublik avvaliga dunyoning birinchi raketkasi, keyin esa qolgan nomdor raqiblarini mag'lub etib, yakunda chempion bo'ldi. 

Sakson bir daqiqa davom etgan final bahsida Bublik Medvedevni 6/3, 7/6(4) hisobida mag'lubiyatga uchratdi. Qozog'istonlik tennischi ettinchi uchrashuvga kelib ilk bor Daniildan ustun keldi. Bundan avvalgi o'zaro uchrashuvlarning oltitasida Medvedev g'alaba qozongandi - 1:6. 

Qizig'i, ikkala tennischi ham finalda 11 tadan eys zarbasini ijro etishgan. Bublik faoliyatidagi beshinchi ATP sovrinini qo'lga kiritdi. U Galle turnirida ikkinchi marotaba chempion bo'ldi. Terra Wortmann Open turniridagi muvaffaqiyatli ishtirok Bublikka 500 reyting ochkosi va 471,755 evro mukofot puli keltirdi. Medevedev esa qatorasiga beshinchi finalini ham boy berdi.