08 sen 14:58
Yangiliklar

Qilichbozlik

SHpagachi qizlarimiz ikkita bronza medalini qo'lga kiritishdi

Poytaxtimizda davom etayotgan qilichbozlik bo'yicha “Satellit” xalqaro musobaqasining navbatdagi kungi bellashuvlarida hamyurtlarimiz shoxsupaga ko'tarilishdi.

Reglamentga ko'ra, kecha ayollar o'rtasida shpaga bo'yicha bahslar o'tkazildi. Unda ishtirok etgan vakilalarimiz Malika Hakimova hamda Veronika Rojkova musobaqaning bronza medallariga sazovor bo'ldilar.

Dastlabki yarim final bahsida Rojkova gruziyalik Mayya Guchmazova bilan ro'baro keldi va 14:15 hisobida imkoniyatni boy bergan bo'lsa, Hakimova rossiyalik Marina Kesaevaga 10:15 hisobida mag'lub bo'ldi. Oltin medal uchun kechgan jang gruzin qilichbozining g'alabasi bilan yakunlandi.

“Satellit” xalqaro turniri. SHpaga, ayollar.

1. Mayya Guchmazova (Gruziya)
2. Marina Kesaeva (Rossiya)
3. Veronika Rojkova (O'zbekiston)
3. Malika Hakimova (O'zbekiston)

Musobaqaning bugungi dasturida erkaklar o'rtasida g'olib va sovrindorlar aniqlab olinadi.